በሴቶች መብት እና ሴቶች ላይ በሚፈጸም ጾታዊ ጥቃት ዙሪያ ስልጠና ተሰጠ፡፡
ስልጠናው በአዲስ አበባ ከተማ አስተዳደር ፍትህ ቢሮ ህግ ስርጸት እና ምክር መስጠት ዳሬክቶሬት የተዘጋጀ ሲሆን የአዲስ አበባ መምህራን ማህበር አመራሮች ተሳትፈመዋል፡፡
በወቅቱ የፍትህ ቢሮ ምክትል ሃላፊ አቸቶ አሰፋ መብራቴ መምህራን በሴቶች መብት እና ሴቶች ላይ በሚፈጸም ጾታዊ ጥቃት ህጉ ምን ይደነግጋል የሚለውን አውቆ ነገ ሃገር የሚረከቡ ተማሪዎች ባለማወቅ የጥቃቱ ሰለባ እንዳይሆኑ ግንዛቤ እንዲፈጥሩላቸው የተዘጋጀ የአሰልጣኞች ስልጠና መሆኑን ገልጸው ሰልጣኞች የስልጠናውን አላማ ለተፈለገው አላማ ማዋል እንደሚገባ አሳስበዋል፡፡
በአዲስ አበባ መምራን ማህበር ተጠሪ ወይዘሮ እየሩሳሌም ብዙነህ በበኩላቸው የአዲስ አበባ ከተማ አስተዳደር ፍትህ ቢሮ የህግ ስርጸት ዳይሬክቶሬት በነባር እና አዳዲስ ህጎች ዙሪያ ለማህበሩ በተደጋጋሚ ግንዛቤ ፈጠራ መስራቱን ገልጸው በማመስገን ዛሬም የሴቶችን ጥቃት አስመልክቶ በተሰጠው ስልጠና የመምህራን ማህበር አመራሮች ለተማሪዎቻቸው ግንዛቤ መፍጠር እንደሚጠበቅባቸው አስገንዝበዋል፡፡
ዐቃቢ መሰረት ጸሃይ ስልጠናውን ሲሰጡ በኢትዮጲያ ህገመንግስት አንቀጽ 35 የተደነገጉትን የሴቶች መብቶች ፣በኢትዮጲያ አሰሪ እና ሰራተኛ አዋጅ ፣በአዲስ አበባ ከተማ አስተዳደር አዲሱ የመንግስት ሰራቶች አዋጅ 87/2017 ስለ ትንኮሳ እና አዎንታዊ ድጋፍ ፣በኢትዮጲያ አዲሱ የወንጀል ህግ የሴቶችን ጥቃት በተመለከተ እንዲሁም የቤተሰብ ህጉ ከአለም አቀፍ ስምነቶች ጋር በምነጻጸር የተብራራ ሲሆን ሴቶችን አስመልክቶ የተደረጉ አለም አቀፍ ኮንፈረንሶች ተወስተዋል፡፡
Comments
ምንም አልተገኘም.
አስተያየቶችዎን ይተዉት.